Богородице Діво, радуйся обрадованная Маріє, Господь с Тобою, благословенна Ти в женах і благословен Плод чрева Твоєго, яко родила еси Христа Спаса Ізбавителя душам нашим. (3)

Радуйся Царице, Мати Милосердія, животе і сладосте і надеждо наша, радуйся. Ко Тебі вопієм, ізгнаннії синове Евини, ко Тебі воздихаєм, стеняще і плачуще на сей юдоли слез: тімже убо Предстательнице наша, оная Твоя милосердная очеса ко нам обрати, Ісуса, благословенний плод чрева Твоего, нам по сем ізгнанії покажи, о щедрая, о милостивая, о сладкая Діво Маріє.

Господу помолімся.
Господи, помилуй.

Боже, прибіжище наше і сило, призри милостивно на люди, ко Тебі вопіющия, і предстательствующи славній і Непорочній Діві Богородиці Марії, со святим Йосифом, єя Обручником, і святими Апостолами Твоїми Петром і Павлом, і всіми святими: мольби, яже о обращенії грішников, о свободі і возвишенії святия Матере Церкве ізливаєм, яко благ і человіколюбец услиши: милостію і щедротами єдинороднаго Сина Твоєго, с нимже благословен еси со пресвятим, благим і животворящим Твоїм Духом, нині і присно і во віки віков. Амінь.

Святий Михаїле Архангеле, буди нам защитник во брани, поборник против злоби і козній диявола. Да запретит ему Бог, умильно просим: ти же воїнств небесних Архистратиже, сатану і іния злобния духи на погибель душ во мірі шатающияся божественною силою в ад низвержи.

(300 днів відпусту за відмовлення сих молитов на переміну зі священиком по Службі Божій).